བརྒྱ་བྱིན་ལ་སོགས་པས་སངས་རྒྱས་ལ་ཕུལ་ཞིང་། སངས་རྒྱས་ཀྱི་དབུ་གདུགས་ལྟར་དུ་ཡོད་པ་དང་། ཚོགས་གཉིས་ཀྱི་མཚན་མ་མངོན་པ། ཁ་དོག་དཀར་པོ་དང་གསེར་གྱི་ཡུ་བ་ཅན། དར་སྣ་ཚོགས་ཀྱི་འཕུར་ལྡིང་གཡོ་ཞིང་། རིན་པོ་ཆེའི་ཏོག་གིས་བརྒྱན་པ། བྱེད་ལས་བྱང་ཆུབ་ཀྱི་སེམས་ཀྱིས་སེམས་ཅན་གྱི་ཉོན་མོངས་པའི་ཚ་གདུང་སེལ་བ་སྟེ། ཚེ་འདིའི་ནད་རིམས་སོགས་མི་མཐུན་པའི་འགལ་རྐྱེན་དང༌། ཕྱི་མ་ངན་སོང་དང་ལྷ་མིའི་སྡུག་བསྔལ་སོགས་འཕྲལ་ཡུན་གྱི་སྡུག་བསྔལ་ལས་སྐྱོབ་ཅིང༌། ཕན་བདེའི་གྲིབ་བསིལ་གྱི་དགའ་སྟོན་ཡངས་པོར་འཕེལ་བ་དང་། མཚོན་དོན་གཞན་ལ། ཡུ་བས་བཤད་སྒྲུབ་ཀྱིས་བྱ་བ་དང༌། ཤམ་བུས་སྡེ་སྣོད་གསུམ། ཏོག་གིས་བསླབ་པ་གསུམ། གྲིབ་བསིལ་གྱིས་སྡུག་བསྔལ་ཕྲ་རགས་ལས་སྐྱོབ་པ་བཅས་མཚོན་པའོ། །
Related Articles
Postal Address: Gyudmed Tantric University Society, P.O. Gurupura, Hunsur Taluk, Distt Mysore, State Karnataka,Pine 571105, India.
Office Email: gyudmedtus@yahoo.co.in, Web Email: gyudmedtantricuniversity@gmail.com,
Website: www.https://gyudmedtantricuniversity.org, Contact No: Krt +91 0822 246165 (Tibetan Language)