༢༠༢༤ ཟླ་ ༦ ཚེས་ ༢༨ ཉིན་གྱི་ཕྱི་དྲོ་ཆུ་ཚོད་ ༢:༣༠ ལ་སྐྱབས་རྗེ་མཁན་ཆེན་རྡོ་རྗེ་འཆང་མཆོག་དང་། སྐུ་ཞབས་བླ་མ་རྣམ་གཉིས་དབུ་བཞུགས་ཐོག་འདུས་མང་ཡོངས་ནས། ༧གོང་ས་༧རྒྱལ་དབང་ཐམས་ཅད་མཁྱེན་པ་ཆེན་པོ་མཆོག་གི་སྐུ་ཕྱྭའི་ཞབས་རིམ་སླད། སྨན་བླའི་ཆོ་ག་དང་འབྲེལ་སྨན་བླའི་གཟུངས་སྔགས་དང་། ༧རྒྱལ་བའི་མཚན་སྔགས་སོགས་གྲངས་གསོག །༧རྒྱལ་བའི་ཞབས་བརྟན་གསོལ་འདེབས་གསུངས་ཏེ་རྒྱལ་བའི་ཞབས་རིམ་གནད་སྨིན་ཞུས།
དཔལ་ལྡན་སྨད་རྒྱུད་གྲྭ་ཚང་མདོ་སྔགས་བཤད་སྒྲུབ་སློབ་གཉེར་ཁང་གི་སྤྱི་ལོ་ ༢༠༢༤ ལོའི་དམ་བཅའ་ཆེན་མོ་གཉིས་པ་དེ་ལོ་འདིའི་ཟླ་ ༦ ཚེས་ ༠༥ ཉིན་ཚོགས།
སྤྱིར་བོད་དུ་རྒྱུད་གྲྭར་སྔགས་ཕྱོགས་ལ་ཐོས་བསམ་སློབ་གཉེར་ལས། མདོ་ཕྱོགས་གྱི་གཞུང་ཆེན་ལ་གདན་ས་ཁག་ནང་བཞིན་སློབ་གཉེར་གནང་སྲོལ་མེད་ན་ཡང་། ༧ བླ་མ་སྤྱན་རས་གཟིགས་ཀྱིས་བཀའ་དགོངས་ལམ་སྟོན་ལྟར། ༡༩༨༡ ལོ་ནས་འདི་ག་རྒྱུད་སྨད་གྲྭ་ཚང་དུའང་སྔོན་སྲོལ་རྒྱུད་འཛིན་གྱི་སྟེང་མཚན་ཉིད་ཀྱི་གཞུང་ཆེན་བཀའ་པོད་ལྔ་ལ་གདན་ས་ཁག་ལྟར་སློབ་གཉེར་གྱི་ལམ་སྲོལ་གསར་འཛུགས་གནང་། ༢༠༠༩།༠༤།༡༡།ཉིན་གྱི་ཆོས་རྭ།
གངས་ཅན་རིག་གནས་སློབ་གྲྭ་ནི་རྒྱུད་སྨད་གྲྭ་ཚང་གི་སློབ་གྲྭའི་ཡན་ལག་ཅིག་སྟེ་མི་རིགས་དང་། ཕོ་མོ་དབྱེ་བ་མེད་པར་ནང་ཆོས་དང་བོད་ཡིག་སློབ་སྦྱོང་བྱེད་ས་ཞིག་ཡིན་ཞིང་། མཚན་བྱང་འདི་ཡང་༧ གོང་ས་མཆོག་གིས་གནང་བ་ཡིན་ལ།༢༠༠༧ལོར་༧གོང་ས་མཆོག་གིས་བཀའ་སློབ་ནན་ཕེབས་ལྟར་གསར་འཛུགས་གནང་བ་དང་། ༢༠༡༠།༠༤།༢༨།ཉིན་སྔོན་འགྲོའི་དབུ་འབྱེད་དང་རབ་གནས་གནང་ཞིང་སློབ་གྲྭའི་བྱེད་སྒོ་དབུ་འཛུགས་གནང་།
༢༠༡༠ ལོར་རྒྱུད་སྨད་གངས་ཅན་རིག་གནས་སློབ་གྲྭས་ས་གནས་ནང་ཆོས་ངོ་སྤྲོད་ཚོགས་ཆུང་དང་འབྲེལ་ལམ་ཐོག་དུས་ནས་དུས་སུ་མི་མང་བསྡུ་སྐོང་གིས་ནང་ཆོས་ངོ་སྤྲོད་ཀྱི་འཛིན་གྲྭ་འཚོགས་བཞིན་ཡོད་པ་དང་། དེ་ཡང་སྤྱི་ལོ་༢༠༡༡ནས་བཟུང་རེས་གཟའ་ལྷག་པ་འཆར་ཅན་ལ་ཧུན་སུར་རབ་རྒྱས་གླིང་གི་མི་མང་སུ་ཕེབས་ལ་ནང་ཆོས་ཀྱི་འཛིན་གྲྭ་འཚོགས་བཞིན་ཡོད། ༢༠༡༠ ལོའི་རེས་གཟའ་ལྷག་པའི་ནང་ཆོས་འཛིན་གྲྭ་ཞིག །