སློབ་གྲྭའི་འཛིན་ཁང་སོགས་གསར་བསྐྲུན་དང་། སློབ་གྲྭའི་མཚན་ལ་དཔལ་ལྡན་སྨད་རྒྱུད་གྲྭ་ཚང་མདོ་སྔགས་བཤད་སྒྲུབ་ཀྱི་སློབ་གཉེར་ཁང་ཆེན་མོ་ཞེས་མིང་བསྒྱུར་གནང་ཞིང་། ༢༠༠༦།༧།༦། ཉིན་དགེ་འདུན་མང་སློབ་གྲྭར་འཛོམས་ཏེ་རྟེན་འབྲེལ་གྱིས་དབུ་འབྱེད་མཛད་སྒོ་སྟབས་བདེ་ཞིག་གནང་བ་དང་། ༧གོང་ས་མཆོག་གིས་སློབ་གཉེར་ཁང་གི་པར་རིས་ཀྱི་སྟེང་དུ་མཚན་རྟགས་དང་ཟླ་ཚེས་འཁོད་པའི་ཕྱག་བྲིས་ཕྱག་བསྟར་མ་ཡང་གནང་ཡོད།
༢༠༠༧ ལོར་སྤྱི་ནོར་ ༧ གོང་ས་སྐྱབས་མགོན་ཆེན་པོ་མཆོག་གྲྭ་ཚང་དུ་ཆིབས་ཞབས་བསྒྱུར་ཏེ་བསྐྱེད་རིམ་དངོས་གྲུབ་རྒྱ་མཚོའི་བཀའ་ཁྲིད་གནང་སྐབས་དང་བསྟུན། ༢༠༠༧ ལོ་སྤྱི་ཟླ་ ༡ ཚེས་ ༨ ཉིན་དཔལ་ལྡན་སྨད་རྒྱུད་གྲྭ་ཚང་གི་སློབ་གཉེར་ཁང་གི་འཛིན་ཁང་སོགས་གསར་པ་ལེགས་གྲུབ་བྱུང་བ་ལ་རབ་གནས་བྱིན་འབེབས་དང་དབུ་འབྱེད་བཀའ་དྲིན་བསྐྱངས། ༢༠༠༧།༠༡།༠༨། ཉིན་གྱི་སློབ་ཁང་དབུ་འབྱེད་ཀྱི་སྐབས།