༄༅། །སྤྱི་ལོ་ ༢༠༢༥ ལོའི་ལོ་ཧྲིལ་པོར་༧གོང་ས་༧རྒྱལ་དབང་ཐམས་ཅད་མཁྱེན་པ་༧འཕགས་མཆོག་ཕྱག་ན་པདྨོ་མཆོག་ཞལ་སྔ་ནས་ཀྱི་སྐུའི་གོ་སྟོན་སྲུང་བརྩི་ཞུ་བཞིན་ཡོད་པ་ལྟར། སྤྱི་ལོ་ ༢༠༢༥ ལོའི་སྤྱི་ཟླ་ ༤ པའི་ཚེས་ ༡༦ དང་ཚེས་ ༡༧ སྟེ་ཉིན་གཉིས་རིང་ལ།
འདི་ག་གསང་ཆེན་སྨད་རྒྱུད་གྲྭ་ཚང་གིས་ཀྱང་མཁན་བླ་འདུས་མང་ཡོངས་ལྷན་འཛོམས་ཐོག་མཐོང་བ་བརྒྱུད་པའི་ཕྱག་ལེན་བགྲོ་གླེང་ཆེན་མོ་ཚོགས་ཡོད་པ་དང་། བགྲོ་གླེང་ཆེན་མོའི་མཛད་སྒོའི་ཚོགས་མགོན་དུ་མཚུངས་མེད་བྱང་རྩེ་ཆོས་རྗེ་སྐྱབས་རྗེ་སྒོ་སོག་རིན་པོ་ཆེ་མཆོག་ཆིབས་ཞབས་བསྒྱུར་ཡོད་ཅིང་། སྐབས་དེར་སྐུ་མགྲོན་སྦྱིན་བདག་དང་བཅས་པས་ཕེབས་བསུ་དང་། རིན་པོ་ཆེ་དབུ་བཞུགས་ཀྱིས་མཐོང་བ་བརྒྱུད་པའི་ཕྱག་ལེན་བགྲོ་གླེང་ཆེན་མོ་དངོས་དབུ་འཛུགས་གནང་སྟེ། བགྲོ་གླེང་ཉིན་གཉིས་ཀྱི་རིང་ལ་ཚོགས་ཡོད་འདུག །རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༤།༡༧།ལ།
