༄༅། །རྒྱུད་རྒྱལ་འདུས་པའི་བསྟན་ལ་ཞེ་ནས་དད་པའི་དཔལ་ལྡན་སྨད་རྒྱུད་པའི་དགེ་བཤེས་སོག་པོ་ཇོ་ནང་མཁན་ཆེན་ཀུན་བཟང་ཆོས་ཀྱི་གྲགས་པ་རིན་པོ་ཆེ་མཆོག་ཆོས་ལྡན་ཆེན་པོ་ཧོར་གྱི་ཡུལ་གྱི་རྒྱལ་ས་ཨུ་ལ་བྷ་རྡར་ནང་གནས་ཆགས་པའི་
( Zuun Khuree Dashicholing monastery ) ཏཱ་ཁུ་རེ་ཆོས་སྡེ་ཆེན་པོ་བཀྲིས་ཆོས་གླིང་དགོན་གྱི་མཁན་པོ་བླ་མ་གཞོན་པའི་མཚན་གནས་བདག་གིར་བཞེས་པའི་བཀྲིས་དོན་བཟང་གི་གཏམ་བཟང་འདི་ལ། འདི་ག་ངེད་ཅག་གྲྭ་ཚང་འདུས་སྤྱི་ལས་ཁུངས་ནས་དགའ་གུས་ཆེན་པོས་བཀྲིས་བདེ་ལེགས་ཀྱི་འཚམས་འདི་ཞུ་བ་དང་འབྲེལ། རིན་པོ་ཆེ་མཆོག་གི་རྒྱ་ཆེ་ཞིང་དཀྱེལ་ཡངས་པའི་ཐུགས་ཀྱི་བཞེད་དགོངས་མཐའ་དག་བགེགས་མེད་ལེགས་གྲུབ་ཡོང་བར་བླ་མ་ཡི་དམ་དགེ་འདུན་ཆོས་སྲུང་བཅས་ལ་གསོལ་འདེབས་ཞུ་རྒྱུ་བཅས། གསང་ཆེན་དཔལ་ལྡན་སྨད་རྒྱུད་གྲྭ་ཚང་འདུས་སྤྱིའི་ལས་ཁུངས་ནས། སྤྱི་ལོོ་ ༢༠༢༥ ཟླ་ ༠༡ ཚེས་ ༠༨ ཉིན། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༡།༠༨།ལ།
