༄༅། །འཕགས་ཡུལ་ལྷོ་ཕྱོགས་ཀྱི་དཔལ་ལྡན་སྨད་རྒྱུད་གྲྭ་ཚང་གི་ཡན་ལག་གངས་ཅན་རིག་གནས་སློབ་གྲྭ་རུ། དབུས་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་དང་རྒྱུད་སྨད་ཀྱི་གངས་ཅན་རིག་གནས་སློབ་གྲྭ་ཟུང་འབྲེལ་གྱིས་གོ་སྒྲིག་གནང་སྟེ།
མཐོ་སློབ་ཐོན་ཟུར་སློབ་ཕྲུག་སྡེ་ཁག་ཅིག་ལ་སྤྱི་ལོ་ ༢༠༢༤ ལོར་བོད་ཀྱི་སྐད་ཡིག་དང་ནང་དོན་རིག་པའི་ཟླ་དྲུག་ཟབ་ཁྲིད་ཐེངས་བཅུ་གཅིག་པའི་སློབ་ཚན་ཁག་དང་། རྒྱུགས་སྤྲོད་བཅས་ལེགས་གྲུབ་བྱུང་སྟེ་སྤྱི་ལོ་ ༢༠༢༤ ཟླ་༡༢ ཚེས་༣༡ ཉིན་མཇུག་བསྡོམས་མཛད་སྒོ་བསྐྱངས་སོང་། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༡༢།༣༡།ལ།
