གང་གི་མཚན་ཙམ་ཐོས་པས་ཀྱང་། །དུས་མིན་འཆི་བ་ཉེར་ཞི་ཞིང་། །སྡིག་སྒྲིབ་མཐའ་དག་སྦྱོར་མཛད་པའི། །གཙུག་ཏོར་རྣམ་རྒྱལ་ལ་ཕྱག་འཚལ། །ལྷའི་གནས་སུམ་ཅུ་རྩ་གསུམ་གྱི་ཆོས་བཟང་ལྷའི་མདུན་ས་ན། ལྷའི་བུ་བློ་གྲོས་བརྟན་པ་ཞེས་བྱ་བ་ཞིག་འདོད་པའི་ཡོན་ཏན་ལ་ལོངས་སྤྱོད་ཅིང་དགའ་མགུར་རྩེ་ཞིང་གནས་པ་ལས། མཚན་མོ་ཞིག་ཡིད་དུ་མི་འོང་བའི་སྒྲ་འདི་ཐོས་པར་གྱུར་ཏོ། །བློ་གྲོས་བརྟན་པ་ཁྱོད་ད་སྟེ་ཞག་བདུན་ན་འཆི་བའི་དུས་བྱས་ཏེ་འཛམ་བུ་གླིང་དུ་འགྲོ་བ་བདུན་པོ་ཉམས་སུ་མྱོང་ནས་སེམས་ཅན་དམྱལ་བར་སྐྱེ་བར་འགྱུར་རོ། །རྒྱ་ལ་ནམ་ཞིག་མིར་སྐྱེས་པར་གྱུར་ན་ཡང་དབུལ་པོ་དང་དམུས་ལོང་དུ་འགྱུར་རོ། །ཞེས་ཐོས་སོ། །ལྷའི་བུས་དེ་ཐོས་ནས་འཇིགས་སྐྲག་དངངས་ཏེ་མྱུར་བ་མྱུར་བར་ལྷའི་དབང་པོ་བརྒྱ་བྱིན་ག་ལ་བ་དེར་སོང་ནས། རྐང་པ་ལ་ཕྱག་བྱས་ཏེ་སྨྲེ་སྔགས་འདོན་བཞིན་དུ་སྒྲ་ཡིད་དུ་མི་འོང་བ་ཇི་ལྟར་ཐོས་པ་རྣམས་བསྙད་དོ། །བརྒྱ་བྱིན་གྱིས་འགྲོ་བ་བདུན་པོ་གང་ཞིག་སྙམ་དུ་བརྟགས་པས། ཕག་དང་། ཁྱིདང་། ཝ་དང་། སྤྲེའུ་དང་། སྦྲུལ་གདུག་པ་དང་། བྱ་རྒོད་དང་། བྱ་ཁྭ་ཏ་སྟེ་བདུན་པོ་དེ་དག་ཏུ་སྐྱེ་བར་ཤེས་སོ། །བརྒྱ་བྱིན་གྱིས་ལྷའི་བུ་སྡུག་བསྔལ་མི་ཟད་པ་འདི་ཉམས་སུ་མྱོང་བར་འགྱུར་ན། བཅོམ་ལྡན་འདས་མ་གཏོགས་དེ་ལས་སྐྱོབ་པའི་སྐྱབས་དང་རྟེན་དང་དཔུང་གཉེན་དུ་གྱུར་པ་གཞན་མེད་པས། དོན་འདི་བཅོམ་ལྡན་འདས་ལ་གསོལ་བར་རིགས་སོ་སྙམ་སྟེ། མཆོད་པའི་ཡོ་བྱད་སྣ་ཚོགས་པ་འཁྱེར་ནས། བཅོམ་ལྡན་འདས་ཀྱི་དྲུང་དུ་ལྷགས་ཏེ་ཞབས་ལ་མགོ་བོས་ཕྱག་འཚལ་ཞིང་ལན་བདུན་སྐོར་བ་བྱས་ནས་མཆོད་པ་ཆེན་པོ་བྱས་ཏེ་ལྷའི་བུས་སྒྲ་ཡིད་དུ་མི་འོང་བ་ཐོས་པ་རྣམས་ཞིབ་ཏུ་གསོལ་ཏོ། །དེར་བཅོམ་ལྡན་འདས་ཀྱི་དབུའི་གཙུག་ཏོར་ནས་འོད་ཟེར་སྣ་ཚོགས་པ་བྱུང་སྟེ། ཕྱོགས་བཅུའི་འཇིག་རྟེན་ཐམས་ཅད་གང་བར་བྱས། སླར་ལོག་སྟེ་ཞལ་གྱི་སྒོར་ཞུགས་སོ། །དེ་ནས་བཅོམ་ལྡན་ཀྱིས་ཞལ་འཛུམ་པ་མཛད་ནས་བརྒྱ་བྱིན་ལ་གཙུག་ཏོར་རྣམ་པར་རྒྱལ་མའི་གཟུངས་ཕན་ཡོན་དང་བཅས་པ་བཀའ་སྩལ་ཏེ། ལྷའི་དབང་པོ་ཁྱོད་སོང་ལ་ལྷའི་བུ་ཤིན་ཏུ་བརྟན་པ་ལ་གཟུངས་འདི་སྟོན་ལ་སྒྲོགས་ཤིག །ཞག་བདུན་ན་ལྷའི་བུ་དེའི་འགྲོ་བ་ཐམས་ཅད་ཤིན་ཏུ་ཡོངས་སུ་དག་ཅིང་ཚེ་རིང་བར་འགྱུར་རོ། །སྟོབས་ཆེ་བར་འགྱུར་རོ། །ཞེས་བཀའ་སྩལ་པ་ལྟར། བརྒྱ་བྱིན་གྱིས་བློ་གྲོས་བརྟན་པ་ལ་གཟུངས་འདི་བྱིན་ནོ། །དེས་ཉིན་བདུན་གྱི་བར་དུ་ཉིན་མཚན་དུས་དྲུག་ཏུ་གཟུངས་འདི་ལ་བརྩོན་པར་བྱས་པས། ངན་འགྲོ་ལས་ཡོངས་སུ་ཐར། ཚེ་ཞག་བདུན་ལས་མེད་པ་ཡང་རིང་དུ་གྱུར་ནས། བཅོམ་ལྡན་འདས་ལ་ཆེད་དུ་བརྗོད་དོ། །
དཔལ་ལྡན་ལྷ་མོ་སྟོན་ཀའི་ཟླ་བའི་མདོག །ཞལ་གསུམ་ཕྱག་བརྒྱད་རབ་མཛེས་ཞི་བའི་སྐུ། །ཡེ་ཤེས་དཔག་ཡས་ཚེ་ཡི་མཆོག་སྩོལ་མ། །རྣམ་པར་རྒྱལ་མའི་ཞབས་ལ་ཕྱག་འཚལ་ལོ། །
ཨོཾ་ན་མོ་བྷ་ག་ཝ་ཏེ་སརྦ་ཏྲཻ་ལོ་ཀྱ་པྲ་ཏི་བི་ཤིཥྚཱ་ཡ། ༀ་འཇིག་རྟེན་གསུམ་པོ་ཐམས་ཅད་ལས། །ཁྱད་པར་འཕགས་པའི་བཅོམ་ལྡན་མ། །བུདྡྷ་ཡ་ཏེ་ན་མཿ སངས་རྒྱས་ཁྱོད་ལ་ཕྱག་འཚལ་ལོ། །ཏདྱ་ཐཱ། འདི་ལྟ་སྟེ། ཨོཾ་བྷྲཱུཾ་བྷྲཱུཾ་བྷྲཱུཾ་ཤོདྷ་ཡ་ཤོདྷ་ཡ། སྦྱོངས་སྦྱོངས། རྣམ་སྦྱོངས་རྣམ་པར་སྦྱོངས། །བི་ཤོདྷ་ཡ་བི་ཤོདྷ་ཡ། མཉམ་པ་མེད་པ་ཀུན་གཟིགས་མ། །ཨ་ས་མ་ས་མནྟ་ཨ་ཝ་བྷཱ་ས་སྥ་ར་ཎ་ག་ཏི། འོད་ཟེར་འཕྲོ་ཞིང་གཤེགས་པ་མ། །ནམ་མཁའི་རང་བཞིན་རྣམ་དག་མ། །ག་ག་ན་སྭ་བྷཱ་ཝ་བི་ཤུདྡྷེ། བདག་ལ་མངོན་པར་དབང་བསྐུར་གསོལ། །ཨ་བྷི་ཥཱིཉྩནྟུ་མཱཾ། སརྦ་ཏ་ཐཱ་ག་ཏཱཿ དེ་བཞིན་གཤེགས་པ་ཐམས་ཅད་དང་། །བདེ་བར་གཤེགས་པ་གསུང་གི་མཆོག །སུ་ག་ཏ་ཝ་ར་པ་ཙ་ན། ཨ་མྲཱྀ་ཏ་ཨ་བྷི་ཥེ་ཀཻ་ར། བདུད་རྩིས་མངོན་པར་དབང་བསྐུར་གསོལ། །མཧཱ་མུ་དྲཱ་མནྟྲ་པ་དཻཿ ཕྱག་ཆེན་སྔགས་ཀྱི་ཚིག་རྣམས་ཀྱིས། །ཨཱ་ཧ་ར་ཨཱ་ཧ་ར། ཀུན་བསྡུས་ཀུན་ནས་བསྡུ་བར་མཛོད། །མ་མ་ཨཱ་ཡུསྶཾ་དྷཱ་ར་ཎི། བདག་གི་ཚེ་ནི་ཀུན་འཛིན་མ། །ཤོདྷ་ཡ་ཤོདྷ་ཡ། སྦྱོངས་སྦྱོངས། བི་ཤོདྷ་ཡ་བི་ཤོདྷ་ཡ། རྣམ་སྦྱོངས་རྣམ་པར་སྦྱོངས། །ག་ག་ན་སྭ་བྷཱ་ཝ་བི་ཤུདྡྷེ། ནམ་མཁའི་རང་བཞིན་རྣམ་དག་མ། །ཨུཥྞཱི་ཥ་བི་ཛ་ཡ་པ་རི་ཤུདྡྷེ། གཙུག་ཏོར་རྣམ་རྒྱལ་ཡོངས་དག་མ། །ས་ཧ་སྲ་རསྨི་སཉྩོ་དི་ཏེ། འོད་ཟེར་སྟོང་ཕྲག་ཀུན་འགྱེད་མ། །སརྦ་ཏ་ཐཱ་ག་ཏ་ཨ་ཝ་ལོ་ཀི་ནི། དེ་བཞིན་གཤེགས་པ་ཀུན་གཟིགས་མ། །ཥཊྤཱ་ར་མི་ཏཱ་པ་རི་པཱུ་ར་ཎི། ཕ་རོལ་ཕྱིན་དྲུག་ཡོངས་རྫོགས་མ། །སརྦ་ཏ་ཐཱ་ག་ཏ་མཱ་ཏེ། དེ་བཞིན་གཤེགས་པ་ཀུན་གྱི་ཡུམ། །ད་ཤ་བྷཱུ་མི་པྲ་ཏིཥྛི་ཏེ། ས་བཅུ་ལ་ནི་རབ་གནས་མ། །སརྦ་ཏ་ཐཱ་ག་ཏ་ཧྲི་ད་ཡ། དེ་བཞིན་གཤེགས་ཀུན་སྙིང་པོ་ཡི། །ཨ་དྷིཥྛཱ་ན་ཨ་དྷིཥྛཱི་ཏེ། བྱིན་གྱི་རླབས་ཀྱིས་བྱིན་རླབས་མ། །མུ་དྲེ་མུ་དྲེ་མཧཱ་མུ་དྲེ། ཕྱག་རྒྱ་ཕྱག་རྒྱ་ཕྱག་རྒྱ་ཆེ། །བཛྲ་ཀཱ་ཡ་སཾ་ཧ་ཏ་ན་པ་རི་ཤུདྡྷེ། རྡོ་རྗེའི་སྐུར་བསྣུན་ཡོངས་དག་མ། །སརྦ་ཀརྨ་ཨ་ཝ་ར་ན་བི་ཤུདྡྷེ། ལས་སྒྲིབ་ཐམས་ཅད་རྣམ་དག་མ། ། པྲ་ཏི་ནི་ཝརྟ་ཡ་མ་མ་ཨཱ་ཡུར། སླར་ཡང་ཆུད་མཛོད་བདག་གི་ཚེ། ། བི་ཤུདྡྷེ་སརྦ་ཏ་ཐཱ་ག་ཏ། རྣམ་དག་དེ་བཞིན་གཤེགས་ཀུན་གྱི། །ས་མ་ཡ་ཨ་དྷིཥྛ་ན་ཨ་དྷིཥྛཱི་ཏེ། དམ་ཚིག་བྱིན་རླབས་བྱིན་རླབས་མ། །ཨོཾ་མུ་ནི་མུ་ནི་མཧཱ་མུ་ནི། ཐུབ་པ་ཐུབ་པ་ཐུབ་པ་ཆེ། །བི་མུ་ནི་བི་མུ་ནི་མཧཱ་བི་མུ་ནི། རྣམ་ཐུབ་རྣམ་ཐུབ་རྣམ་ཐུབ་ཆེ། །མ་ཏི་མ་ཏི་མཧཱ་མ་ཏི། བློ་གྲོས་བློ་གྲོས་བློ་གྲོས་ཆེ། །མ་མ་ཏི་སུ་མ་ཏི། བདག་བློ་བློ་བཟང་དེ་བཞིན་ཉིད། །ཏ་ཐཱ་ཏཱ། བྷཱུ་ཏ་ཀོ་ཊི་པ་རི་ཤུདྡྷེ། ཡང་དག་མཐའ་ནི་ཡོངས་དག་མ། །བིསྥུཊ་བུདྡྷི་ཤུདྡྷེ། བློ་ནི་རྣམ་རྒྱས་དག་པ་མ། །ཧེ་ཧེ་ཛ་ཡ་ཛ་ཡ། ཀྱེ་ཀྱེ་རྒྱལ་བ་རྒྱལ་བ་སྟེ། །བི་ཛ་ཡ་བི་ཛ་ཡ། རྣམ་པར་རྒྱལ་བ་རྣམ་པར་རྒྱལ། །སྨ་ར་སྨ་ར། དྲན་པ་དྲན་པ་རྒྱས་ཤིང་རྒྱས། །སྥ་ར་སྥ་ར། སྥཱ་ར་ཡ་སྥཱ་ར་ཡ། རྒྱས་མཛོད་རྒྱས་མཛོད་སངས་རྒྱས་ནི། །སརྦ་བུདྡྷ་ཨ་དྷིཥྛཱ་ན་ཨ་དྷིཥྛཱི་ཏེ། ཀུན་གྱི་བྱིན་རླབས་བྱིན་རླབས་མ། །ཤུདྡྷེ་ཤུདྡྷེ། དག་ཅིང་དག་མ་སངས་རྒྱས་མ། །བུདྡྷེ་བུདྡྷེ། སངས་རྒྱས་རྡོ་རྗེ་རྡོ་རྗེ་མ། །བཛྲེ་བཛྲེ་མཧཱ་བཛྲེ། རྡོ་རྗེ་ཆེན་མོ་རྡོ་རྗེ་བཟང་། །སུ་བཛྲེ་བཛྲ་གརྦྷེ་ཛ་ཡ་གརྦྷེ། རྡོ་རྗེ་སྙིང་མོ་རྒྱལ་བའི་སྙིང་། །བི་ཛ་ཡ་གརྦྷེ། རྣམ་པར་རྒྱལ་བའི་སྙིང་པོ་མ། །བཛྲ་ཛྭཱ་ལ་གརྦྷེ། རྡོ་རྗེ་འབར་བའི་སྙིང་པོ་མ། །བཛྲོདྦྷ་ཝེ། རྡོ་རྗེ་འབྱུང་མ་རྡོར་འབྱུང་མ། །བཛྲ་སམྦྷ་ཝེ། བཛྲེ་བཛྲི་ཎི། རྡོ་རྗེ་ཅན་མ་རྡོ་རྗེ་མ། །བཛྲ་མབྷ་ཝནྟུ། མ་མ་ཤ་རཱི་རཾ། རྡོ་རྗེར་མཛོད་ཅིག་བདག་གི་ལུས། །སརྦ་སཏྭ་ནཱཉྩ་ཀཱ་ཡ་པ་རི་ཤུདྡྷིརྦྷཝནྟུ། སེམས་ཅན་ཐམས་ཅད་རྣམས་ཀྱི་ཡང་། །ལུས་ནི་ཡོངས་སུ་དག་པར་མཛོད། །མེ་ས་དཱ་སརྦ་ག་ཏི་པ་རི་ཤུདྡྷིཤྩ། བདག་གི་རྟོགས་པ་ཐམས་ཅད་ཀྱང་། །རྟག་ཏུ་ཡོངས་སུ་དག་པར་མཛོད། །སརྦ་ཏ་ཐཱ་ག་ཏཱཤྩ། དེ་བཞིན་གཤེགས་པ་ཀུན་གྱིས་ཀྱང་། །མཱཾ་སརྦ་སཏྭཱཾཤྩ། ས་མཱ་ཤྭཱ་ས་ཡནྟུ། བདག་ཅག་དབུགས་དབྱུང་མཛད་དུ་གསོལ། །བུདྡྷྱ་བུདྡྷྱ། སད་ཅིང་སད་མ་གྲུབ་གྲུབ་མ།སིདྷྱ་སིདྷྱ། བོདྷ་ཡ་བོདྷ་ཡ། རྟོགས་མཛོད་རྟོགས་མཛོད་རྣམ་རྟོགས་མཛོད། །བི་བོདྷ་ཡ་བི་བོདྷ་ཡ། མོ་ཙ་ཡ་མོ་ཙ་ཡ། རྣམ་པར་རྟོགས་མཛོད་གྲོལ་པར་མཛོད། །བི་མོ་ཙ་ཡ་བི་མོ་ཙ་ཡ། གྲོལ་མཛོད་རྣམ་གྲོལ་རྣམ་གྲོལ་མཛོད། །ཤོདྷ་ཡ་ཤོདྷ་ཡ། སྦྱོངས་སྦྱོངས། བི་ཤོདྷ་ཡ་བི་ཤོདྷ་ཡ། རྣམ་སྤྱོངས་རྣམ་པར་སྦྱོངས། །ས་མནྟཱ་ན་མོ་ཙ་ཡ་མོ་ཙ་ཡ། ཀུན་ནས་གྲོལ་མཛོད་གྲོལ་བར་མཛོད། །ས་མནྟ་རསྨི་པ་རི་ཤུདྡྷེ། ཀུན་ནས་འོད་ཟེར་ཡོངས་དག་མ། །སརྦ་ཏ་ཐཱ་ག་ཏ་ཧྲྀ་ད་ཡ། དེ་བཞེན་གཤེགས་ཀུན་སྙཱིང་པོ་ཡི། །ཨ་དྷིཥྛཱན་ཨ་དྷིཥྛི་ཏེ། བྱིན་གྱི་རླབས་ཀྱིས་བྱིན་བརླབས་མ། །མུ་དྲེ་མུ་དྲེ་མཧཱ་མུ་དྲེ། ཕྱག་རྒྱ་ཕྱག་རྒྱ་ཕྱག་རྒྱ་ཆེ། །མཧཱ་མུ་དྲཱ་མནྟྲ་པ་དཻཿ སྭཱ་ཧཱ། ཕྱག་ཆེན་གསང་སྔགས་ཚིག་རྣམས་ཀྱིས་གཞི་ཚུགས། ཨོཾ་བྷྲཱུཾ་སྭཱ་ཧཱ། ཨོཾ་ཨམྲྀ་ཏ་ཨཱ་ཡུརྡ་དེ་སྭཱ་ཧཱ། འཚེ་བ་མེད་པའི་ཚེ་སྦྱིན་མ། ཨོཾ་ཨཱཿ ཧཱུཾ་ཏྲཱཾ་ཧྲཱིཿ ཨོཾ་ཨཱཿ རཀྵ་རཀྵ་མཱཾ་སརྦ་སཤྩ་སྭཱ་ཧཱ། བདག་དང་སེམས་ཅན་ཐམས་ཅད་ཀྱང་སྲུངས་ཤིང་སྲུང་བའི་གཞི་ཚུགས།