༄༅། །གསང་ཆེན་དཔལ་ལྡན་སྨད་རྒྱུད་པའི་སྔར་སྲོལ་གནས་མཆོག་ཕྱི་མིག་ལུང་དུ་ཐུན་མོང་མ་ཡིན་པ་གར་ཐིག་དབྱངས་གསུམ་གྱི་ཕྱག་ལེན་ཡིན་པས། སྐྱབས་རྗེ་སྐུ་ཞབས་བླ་མ་མཆོག་དང་བླ་མ་དགེ་བསྐོས་རྣམ་གཉིས་ནས་འདི་ལོའི་བཀའ་རམས་དགེ་བཤེས་ལྷ་ཚོགས་རྣམས་དང་བསྐྱེད་རིམ་པ་རྣམ་པས་བདེ་གསང་འཇིགས་གསུམ་གྱི་དཀྱིལ་འཁོར་དང་ལས་བཞིའི་ཐིག་སོགས་ཀྱི་རྒྱུགས་འབུལ་ལེན་གནང་མཛད། སྤྱི་ལོ་ ༢༠༢༤ ལོའི་ ༡༠ ཚེས་ ༧ ལ།
༄༅། །ཞྭ་སེར་བསྟན་པའི་གསལ་བྱེད་ཆེན་པོ་མཚུངས་མེད་བྱང་རྩེ་ཆོས་ཀྱི་རྗེ་རྗེ་བཙུན་ངག་དབང་གསུང་རབ་བསྟན་འཛིན་དགེ་ལེགས་རྒྱ་མཚོ་དཔལ་བཟང་པོ་མཆོག་གི་ཞབས་རྡུལ་ལྷ་མིའི་གཙུག་གིས་མཆོད་པའི་དྲུང་དུ། སྒོ་གསུམ་དད་པ་རྒྱ་མཚོའི་རྒྱུད་སྨད་མཁན་བླ་ལས་སྣེ་ལྷན་ནས་གདུང་ཤུགས་དྲག་པོས་ཞུ་གསོལ་འདེབས་སྙིང་། གང་གི་སྐུ་མཆོག་མཚན་དཔེའི་གཟི་མདངས་རྒྱས་ཞིང་འཇམ་མགོན་རྒྱལ་བའི་རིང་ལུགས་མདོ་སྔགས་ཆོས་ཚུལ་རྒྱ་མཚོའི་སྙིང་པོས་ཡངས་པའི་ས་ཆེན་ཀུན་ལ་གསལ་བཞིན་པར་འཚོ་ཞིང་བཞེས་པ་ནི་བཀྲིན་བླ་ལྷག་ཏུ་ཆེ་ཞུ། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༩།༢༧།ལ།
༄༅། །ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་མཆོག་གི་མ་ཡུམ་ལེགས་སྐྱིད་བཟང་མོ་དམ་པ་དེ་ཉིད་འདས་གྲོངས་སུ་གྱུར་ཏེ་ཞེ་དགུའི་དུས་ཚིགས་ལ། གྲྭ་ཚང་ནས་མོན་ཡུལ་དུ་ཆེད་ཕེབས་གྲྭ་ཚང་གི་ཕྱག་མཛོད་དང་བླ་མ་བྱང་འདྲེན་གཙོས་དགེ་འདུན་པ་ཁག་ཅིག་དང་། མོན་ཡུལ་རྒྱུད་སྨད་འགྲོ་ཕན་བྱམས་བརྩེ་གླིང་གི་མཁན་རིན་པོ་ཆེ་དབུ་བཞུགས་ཀྱིས་མཚོན་འབྲེལ་ཡོད་རྣམས་ནས་དགེ་ཚོགས་རྒྱ་ཆེར་བསྒྲུབས་པ་དང་འབྲེལ། འདི་ག་དཔལ་ལྡན་སྨད་རྒྱུད་གྲྭ་ཚང་འདུས་མང་ནས་ཀྱང་གདུང་སེམས་མཉམ་བསྐྱེད་ཞུ་བ་དང་། མ་ཡུམ་འདས་མོ་དམ་པ་གང་དེའི་ཚེ་འཁོར་ཐོག་མེད་ནས་བྱས་བསགས་སྡིག་ལྟུང་མ་ལུས་པ་བྱང་ཞིང་དག་སྟེ་ཟུང་འཇུག་རྡོ་རྗེ་འཆང་གི་གོ་འཕང་ལ་མྱུར་དུ་རེག་པའི་བསྔོ་སྨོན་རྒྱ་ཆེར་ཞུ། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༨།༡༣།ལ།
༄༅། །ལྡི་ལིའི་རྒྱུད་སྨད་ཡན་ལག་ཁང་དུ་དགེ་འདུན་པའི་གསོལ་མགྲོན་ཁང་ལེགས་བཅོས་བྱས་པ། སྤྱི་ལོ་ ༢༠༢༤ ལོའི་སྤྱི་ཟླ་ ༧ ཚེས་ ༡༩ ཉིན་སྐུ་མགྲོན་གཙོ་བོ་སྐུ་ཞབས་བླ་མ་མཆོག་དང་། ལས་བྱེད་དགེ་འདུན་པ་དང་གཞན་ཡང་ས་གནས་བརྒྱ་དཔོན་ཁག་བཅས་ནས་རབ་གནས་དང་དབུ་འབྱེད་མཛད་སྒོ་གནང་ཡོད། 2024.7.19
༄༅། །དཔལ་ལྡན་སྨད་རྒྱུད་གྲྭ་ཚང་ནས་གཙོ་བོར་༸གོང་ས་༸སྐྱབས་མགོན་ཆེན་པོའི་སྐུ་ཕྱྭའི་ཞབས་རིམ་དང་བསྟན་སྲིད་བདེ་ཐབས། ཡུལ་ལུང་ཀུན་ཏུ་བཀྲ་ཤིས་ཤིང་ཆར་ཆུ་དུས་བབ་ལོ་ཕྱུགས་རྟག་ལེགས་སོགས་ལེགས་ཚོགས་སྒོ་བརྒྱར་དམིགས་ཏེ། བསྟན་པའི་སྣང་འབྱེད་བླ་མ་དབུ་མཛད་མཆོག་དབུ་བཞུགས་ཀྱིས་འདུས་མང་འདུ་འཛོམས་རྒྱ་ཆེར་གནང་སྟེ། དཔལ་འཁོར་ལོ་བདེ་མཆོག་དང་འབྲེལ་བའི་རབ་གནས་དགེ་ལེགས་ཆར་འབེབས་ཉིན་གསུམ་པའི་ཕྱག་ལེན་ཡོངས་སུ་ལེགས་པར་གྲུབ། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༧།༡༠།ལ།
༄༅། །གནས་ཡུལ་རྒྱ་གར་ལྷོ་ཕྱོགས་ཀ་ན་ཀྲ་ཀ་མངའ་སྡེའི་གྲངས་ཉུང་མི་རིགས་ཀྱི་བློན་ཆེན་མཆོག་དེ་རིང་ཧོན་སུར་དཔལ་ལྡན་རྒྱུད་སྨད་གྲྭ་ཚང་དུ་འཚམས་གཟིགས་དང་འབྲེལ་མཁན་བླ་འདུས་མང་དང་བཅས་པ་མཇལ་འཕྲད་གཟིགས་སྐོར་བསྐྱང་གནང་ཡོད། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༦།༢༨།ལ།
༄༅། །དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་དང་རྒྱུད་སྨད་གངས་ཅན་རིག་གནས་སློབ་གྲྭ་གཉིས་མཉམ་འབྲེལ་ཐོག་སྤྱི་ལོ་ ༢༠༢༤ ཟླ་ ༦ ཚེས་ ༦ ནས་ ༡༨ བར་སཾ་བྷོ་ཊའི་ཁྱབ་ཁོངས་ལྷོ་ཁུལ་སློབ་གྲྭ་ཁག་ལྔའི་སློབ་ཕྲུག་རིགས་ལམ་རྒྱུས་སྟོན་པ་གསོ་སྐྱོང་གི་ཟབ་སྦྱོང་གི་མཇུག་བསྡོམས་མཛད་སྒོ་ཚོགས། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༦།༡༨།ལ།
༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་དང་རྒྱུད་སྨད་གངས་ཅན་རིག་གནས་སློབ་གྲྭ་གཉིས་མཉམ་འབྲེལ་ཐོག་སྤྱི་ལོ་ ༢༠༢༤ ཟླ་ ༦ ཚེས་ ༦ ནས་ ༡༨ བར་སཾ་བྷོ་ཊའི་ཁྱབ་ཁོངས་ལྷོ་ཁུལ་སློབ་གྲྭ་ཁག་ལྔའི་སློབ་ཕྲུག་རིགས་ལམ་རྒྱུས་སྟོན་པ་གསོ་སྐྱོང་གི་ཟབ་སྦྱོང་གི་དབུ་འབྱེད་མཛད་སྒོ་ཚོགས། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༦།༠༧།ལ།
